इमान्दारी पूर्वक काम गर्ने दुई नेपालीलाई जनही १५ हजार कतारी रियाल पुरस्कार

0
9

एक दशकदेखि कतारमा इमान्दारीपूर्वक काम गर्ने दुई नेपालीले जनही १५ हजार कतारी रियाल पुरस्कार पाएका छन् ।

कतारमा रहेको नासर अल अली इन्टरप्राइसेस कम्पनीले कम्पनीमा रहेर इमान्दारीपूर्वक काम गरेको भन्दै पश्चिम नेपालका नुनबहादुर दर्जी र धनुषाका रामशंकर दास बनोधियालाई नगद प्रदान गरेको हो ।

आजको विनिमयदर अर्थात १ कतारी रियल बराबार ३३ रुपैया ३८ पैसाले हिसाव गर्दा उनीहरुले पाएको रकम जनही रु ५ लाख ७ हजार हुन आउँछ ।

उनीहरुलाई नासर अल अली इन्टरप्राइसेस कम्पनीका मालिक नासर अल अलीले पुरस्कार वापतको रकम प्रदान गरेका थिए ।

पुरस्कार पाउने दर्जी नासर अल अली इन्टरप्राइसेस कम्पनीमा कन्स्टक्सनमा काम गर्न नेपालबाट २००९ मा आएका थिए ।

उनले पछि राम्रो काम गर्दै गएपछि ट्रेड वर्कर भए । अहिले कार्पेन्टर मेसनरीदेखि सवै काममा पोख्त उनी पोख्त छन् । दर्जीले पुरस्कारवापत पाएको रकम आफ्नो छोरा छोरीको शिक्षाका लागि उपयोग गर्ने बताए ।

त्यस्तै रामशंकले पनि कम्पनीमा १२ वर्ष विताइसकेका छन । पुरस्कार पाउदा उनी पनि खुसी छन् । उनले बैदेशिक रोजगारबाट कमाएको पैसाले परिवारको आवश्यकता पुरा गर्नुका साथै शिक्षामा समेत खर्च गरेको जानकारी दिए । पुरस्कार वापतको पैसा छोरीको पढाईमा खर्च गर्ने उनले बताए । पुरस्कार पाउने दुवैजनाले कम्पनीका मालिकले अप्ठेरो पर्दा सहयोग पनि गर्ने गरेको बताए ।

कम्पनीले बेलाबेलामा कम्पनीमा कार्यरत कामदारहरुलाई प्रोत्साहन स्वरुप सुनको सिक्का, नगद इनाम, प्रमाणपत्र दिने गरेको छ ।

LEAVE A REPLY

Please enter your comment!
Please enter your name here