जब मतदाता परिचयपत्रमा कुकुरको फोटो आएपछि…

  •  
  •  
  •  
  •  
  •  
  •  

हामी कहाँ १८ बर्ष उमेर पार गरेकाहरुले आफुले चाहेको उम्मेदारलाई मतदात गरी निर्वाचित गराउने अधिकार दिइएको छ ।

मतदान गर्न मतदाता परिचय पत्र आवश्यक हुन्छ । जसमा मतदाताको सम्पुर्ण विवरण उल्लेख हुन्छ । तर कुनै मतदाताको परिचय पत्रमा उसको तस्वीरको सट्टा कुकुरको फोटो आयो भने के होला ?

भारतका एक मतदाताको परिचय पत्रमा उनको तस्वीरको सट्टामा कुकुरको तस्वीर अकिंत भएको छ ।

भारतको पश्चिम बंगाल प्रदेशको मुर्शीदाबादका निर्वाचन अधिकारीको लापरबाहिले एक मतदाताको परिचय पत्रमा उनको तस्वीरको सट्टा कुकुरको तस्वीर अंकित भएको छ ।

मुर्शिदाबाद, रामनगरका निवासी सुनील कर्मकार भोटर आइडी कार्डमा कुकुरको तस्वीर अकिंत भएपछि उनको आक्रोशको सीमा नै रहेन ।

उनले यस्तो लापरबाही हुनुमा निर्वाचन अधिकारी दोषी भएकाले यसबाट आफ्नो अपमान भएको बताएका छन् ।

यस बिषयमा सुनीलले आक्रोशित हुदैं सरकारको समेत ध्यानाकर्षण गराएका छन् । उनले कुकुरको फोटो देखिदेखि आफ्नो परिचय पत्रमा हस्ताक्षर गरेकोमा अपमान भएको भन्दै अदालत जाने बताएका छन् ।

यस बिषयको जानकारी पाए लगत्तै निर्वाचय आयुक्तले यस घटनामा छानबिन गर्ने बताएका छन् ।

अस्पतालबाट डिस्चार्ज भए प्रधानमन्त्री ओली
काठमाडौँ- स्वास्थ्यमा समस्या भई ग्रान्डी इन्टरनेशनल अस्पतालमा उपचार गराइरहेका प्रधानमन्त्री केपी शर्मा ओली बिहीबार साँझ डिस्चार्ज भएका छन्। उनी बुधबार बिहान अस्पताल भर्ना भएका थिए। मिर्गौलाको कार्यक्षमतामा ह्रास आएपछि उनको दुईपटक हेमोडायलासिस गरिएको छ।

यसअघि उनको डायलासिस भएको २८ घन्टापछि अस्पताल र उनका निजी चिकित्सकले उनको डायलासिस भएको जानकारी गराएका थिए।

‘प्रधानमन्त्री केपी शर्मा ओली यस ग्रान्डी इन्टरनेशनल हस्पिटलमा नियमित स्वास्थ्य परीक्षण तथ उपचारका लागि भर्ना हुनुभएको आज दोस्रो दिन हो’, अस्पताल र निजी चिकित्सक डा. दिव्या सिंहको विज्ञप्तिमा भनिएको थियो, ‘हाल उहाँको स्वास्थ्य स्थिति सामान्य रहेको छ। यस अस्पतालमा उहाँको स्वास्थ्य परीक्षण र उपचारको क्रममा हेमोडायलासिस गरिएको छ।’

विज्ञप्तिमा बिहीबार नै डिस्चार्ज हुने जानकारीसमेत गराइएको थियो।

ओलीको मिर्गौलाको कार्यक्षमतमा ह्रास आएपछि उनलाई डायलासिस गरिएको तर डायलासिस अस्थायी उपचार भएकाले अब पुन : मिर्गौला प्रत्यारोपण गर्नु पर्ने सुझाव चिकित्सकले उनलाई दिएका छन्।

ओलीको उपचारमा संलग्न एक चिकित्सकका अनुसार ओलीले पनि छिट्टै फेरी मिर्गौला प्रत्यारोपण गर्ने तयारीमा छन्। शरिरमा मिर्गौला सम्बन्धी एन्टिबडी बढी भएपछि गत भदौमा ओलीले सिंगापुर पुगेर प्लाज्मा फेरेसिस गरेका थिए।

त्यसको दुई महिनामै प्रधानमन्त्री ओलीले डायलासिस गर्नु पर्ने अवस्था आएको हो । १२ वर्ष अघि प्रधानमन्त्री ओलीले भारतको नयाँ दिल्लीस्थित अपोलो अस्पतालमा मिर्गौला प्रत्यारोपण गरेका थिए।

Leave a Reply

Your email address will not be published. Required fields are marked *