मैदानमै हानाहान, एकै खेलमा ८ वटा रातो कार्ड

दक्षिण अमेरिकाको ठूलो क्लब फुटबल प्रतियोगिता कोपा लिबेर्टाडोरेजको एउटै खेलमा आठ खेलाडीले रातो कार्ड पाएका छन् । समूह चरण अन्तर्गत शुक्रबार भएकोे ग्रेमिओ क्लब र इन्टर नासिओनलबीचको खेलमा रेफ्रीले दुवै टोलीका चार चारजना खेलाडीलाई रातो कार्ड देखाएका हुन् ।

खेल गोलरहित बराबरीमा सकिन लाग्दा अतिरिक्त समयमा दुवै तर्फका खेलाडी झगडामा उत्रिएका थिए । मैदानमा खेलाडीबीच एकले अर्कोलाई किक हान्न थालेपछि रेफ्रीले रातो कार्डको बर्षा गरेका थिए ।

खेलाडीबीचको झडपले केही समय मैदान रणमूमिमा परिणत भएको थियो । बराबरीसँगै समुह ‘ई’ मा रहेका यी दुवै टोलीले एक एक अंक बाँडेका छन् । समूहमा दुवैको समान चार अंक छ । कोपा लिबेर्टाडोरेजमा सर्वाधिक रातो कार्ड भएको भने यो दास्रो पटक हो । यसअघि सन् १९७१ मा बोका जुनियर र स्पोर्टिङ क्रिस्टलबीचको खेलका १९ खेलाडीले रातो कार्ड पाएका थिए ।

धोका, डिप्रेशन र दीपिका, खुले पुराना सम्बन्धका राज
दीपिका पादुकोण बलिउडकी यस्ती अभिनेत्री हुन् जो अभिनयको साथसाथै स्पष्टवक्ताको रुपमा पनि चिनिन्छिन् । उनले सन् २०१७ मा बलिउडकै अभिनेता रणवीर सिंहसँग विवाह गरिन् । उनी वैवाहिक जीवनमा पनि उत्तिकै खुशी छिन् । र उनका श्रीमान पनि ।

रणवीर सिंहसँग विवाहभन्दा पहिले दीपिका रणबीर कपूरसँग प्रेमसम्बन्धमा थिइन् । जुन सम्बन्धमा उनलाई धोका भयो । प्रेममा धोका पाएपछि दीपिका डिप्रेशनको शिकार भइन् । उनले यसअघि पनि पटक–पटक प्रेमसम्बन्ध र धोका अनि डिप्रेशनको विषयमा कुरा गरिसकेकी छन् ।

उनले फेरि त्यही विषयमा केन्द्रीत भएर एउटा अन्तरवार्ता दिएकी छिन् । उनले रणबीरले बारम्बार धोका दिएको र माफी माग्दै सम्बन्ध बचाएको उल्लेख गरिन् । उनले माफी दिएकोमा अपसोस मान्दै भनिन्, ‘मेरो लागि सेक्सको मतलब शारीरिक रुपमा मात्रै नजिकिनु थिएन, भावनात्मक रुपमा पनि जोडिनु थियो । म जुन सम्बन्धमा रहेँ कहिल्यै धोका दिइन ।’

उनले अगाडि भनिन्, ‘म यदि कसैलाई धोका दिन्छु वा चिट गर्छु भने त्यस्तो सम्बन्धमा किन रहुँ ? यो भन्दा राम्रो त एक्लै बस्ने र मोजमस्ती गर्ने । तर सबैजना यस्ता हुँदैनन् । त्यसैले मैले पहिले निकै दुख भोग्नुपर्यो । म यति धेरै बेहकुफ थिए कि मैले उसलाई दोस्रोपटक पनि मौका दिए । मैले उसलाई रंगेहात भेट्टाएको थिए । उसले मसँग सम्बन्धको लागि भिख मागेपछि फेरि माफी दिएँ । त्यो नै मेरो बेहकुफी थियो ।’

‘मलाई यो सबैबाट बाहिर आउन लामो समय लाग्यो । तर अब म यो सबै कुराबाट बाहिर आइसकेँ ।’

‘मैले आफ्नो सम्बन्धमा धेरै कुरा दिए । तर मलाई बदलामा केही पनि प्राप्त भएन । धोका पाएँ । सम्बन्धमा धोका पाएपछि इज्जत पनि गयो ।

Leave a Reply

Your email address will not be published. Required fields are marked *