कोरोना संक्रमणबाट बचाउने भन्दै गाईको गउँत पिउने कार्यक्रम आयोजना

0
11

दिल्ली– कोरोना भाइरसको विश्वभर महामारी फैलिरहेको अवस्थामा वैज्ञानिक एवं चिकित्सकहरु यसविरुद्ध खोपको विकास गर्न लागिपरिरहेका छन् ।

वैज्ञानिकहरु दिन रात नभनी करोडौं लगानीमा खोपको विकास गरिरहेका बेला भारतमा भने कोरोना भाइरसबाट बच्नका लागि गरिएको अचम्मको घटना सार्वजनिक भएको छ ।

भारतमा कोरोनाबाट बच्नका लागि गोमूत्र(गाईको पिसाब वा गउँत) सेवन कार्यक्रम नै आयोजना गरिएको छ । गोमूत्रको सेवनबाट कोरोनाबाट बच्न सकिने दाबी गर्दै भारतको विश्व हिन्दू महासभाले गोमूत्र सेवन कार्यक्रम नै आयोजना गरेको हो ।

शनिबार राजधानी नयाँ दिल्लीमा आयोजना गरिएको गौमूत्र सेवन कार्यक्रममा ठूलो संख्यामा मानिसहरुको उपस्थिती थियो । मानिसहरुले कुनै आपत्ति नजनाइकन गोमूत्र सेवन गरे । यो समारोहमा भारतका राजनीतिक नेताहरुको समेत सहभागिता थियो ।

गौमूत्र र गाईको गोबरले कोरोना भाइरस रोक्न सकिने अफवाह फैलिरहेको अवस्थामा विश्व हिन्दू महासभाले गोमूत्र सेवन कार्यक्रम आयोजना गरेको हो । पूर्वीय धर्म दर्शन तथा आयुर्वेदमा गोमूत्र र गोबरको औषधीय गुण रहेको मान्यता रहिआएको छ ।

भारतमा मात्र नभई विश्वका विभिन्न मुलुकमा यस्तै किसिमका परम्परागत विधिले कोरोना भाइरस रोक्न सकिने वा यसको उपचार हुने मान्यता रहँदै आएको छ । तर, वैज्ञानिकहरुले यस्ता परम्परागत उपचार विधिले कोरोना भाइरस निको पनि नहुने र रोकथाम पनि नहुने बताउँदै आएका छन् ।

चोर्न गएको घरको सोफामा चोर निदाएपछि…
हिजो यति धेरै निन्द्रा लागेको थियो कि खाना खाना साथ म त भुसुक्कै निदाएछु । यो आम ब्यक्तिको जिवनमा भइरहने घटनाको कथन हो ।

तर यो निन्द्रा सबैका लागी उपयोगी नहुन सक्छ । अझ चोरहरुको मामलामा त निदाउनु हानिकारक मानिन्छ । अझ चोरी गर्न गएको स्थानमा नै कोहि निदायो भने के होला ?

भारतको कर्नाटक राज्यको चर्चित शहर बैंगलुरुमा एक चोर, अबेर राति चोरी गर्न निस्किए । तर चोरी गर्दा ति चोर चोरी गर्न गएकै घरको सोफामा निदाए । तर जब घर मालिक घर आए उनले अनजान ब्यक्तिलाई आफ्नो घरको सोफामा मस्त सुतेको देखे ।

ती चोरको हातमा आफ्नो घरको चाबि समेत देखेपछि ति घर मालिकको रिसको सीमा रहेन र उनले चोरलाई निकै कुटे । त्यसपछि मात्र उनले प्रहरीलाई बोलाई जिम्मा लगाए ।

प्रहरीले उनलाई पक्राउ गरी चोरी मुद्धामा कारागार पठाएको छ । नशालु पर्दाथको सेवनका कारण चोरलाई निन्द्रा लागेको र सोफा देख्नासाथ निदाएको प्रहरीले बताएको छ ।

LEAVE A REPLY

Please enter your comment!
Please enter your name here